მოწვევა გაეროს პარტნიორთა პორტალზე რეგისტრაციისთვის
„გაეროს პარტნიორთა პორტალი“, რომელიც ახლახანს ამოქმედდა, გაეროს ბავშვთა ფონდის, გაეროს ლტოლვილთა უმაღლესი კომისრის ოფისის (UNHCR) და მსოფლიო სასურსათო პროგრამის (WFP) მიერ პარტნიორობების სამართავად ერთობლივად გამოყენებული პლატფორმაა.
- ხელმისაწვდომია:
- English
- ქართული
გაეროს ბავშვთა ფონდი საქართველოში იწვევს ყველა დაინტერესებულ ბავშვებზე და მოზარდებზე ფოკუსირებულ სამოქალაქო საზოგადოების ორგანიზაციას, საერთაშორისო და ადგილობრივ არასამთავრობო ორგანიზაციას, დარეგისტრირდეს და შექმნას პროფილი პორტალზე: www.unpartnerportal.org.
„გაეროს პარტნიორთა პორტალი“, რომელიც ახლახანს ამოქმედდა, გაეროს ბავშვთა ფონდის, გაეროს ლტოლვილთა უმაღლესი კომისრის ოფისის (UNHCR) და მსოფლიო სასურსათო პროგრამის (WFP) მიერ პარტნიორობების სამართავად ერთობლივად გამოყენებული პლატფორმაა. ნებისმიერ სამოქალაქო საზოგადოების ორგანიზაცია, საერთაშორისო და ადგილობრივი არასამთავრობო ორგანიზაცია, რომელსაც სურს, რომ განხილული იქნას მისი კანდიდატურა გაეროს ბავშვთა ფონდთან პარტნიორობისთვის, უნდა დარეგისტრირდეს და შექმნას პროფილი გაეროს პარტნიორთა პორტალში.
გაეროს პარტნიორთა პორტალი სამოქალაქო საზოგადოების ორგანიზაციებს, საერთაშორისო და ადგილობრივ არასამთავრობო ორგანიზაციებს საშუალებას მისცემს:
- იხილონ გაეროს სამივე ზემოაღნიშნულ სააგენტოსთან პარტნიორობის შესაძლებლობები
- შეიტანონ განაცხადი ნებისმიერ ზემოაღნიშნულ სააგენტოსთან თანამშრომლობის შესაძლებობებისთვის
- წარადგინონ შემოთავაზებები თანამშრომლობის შესახებ, რომლებსაც დაინტერესებული სააგენტოები განიხილავენ.
გაეროს ბავშვთა ფონდი თავისი საქმიანობით ხელს უწყობს ყველა ბავშვის უფლებებისა და კეთილდღეობის დაცვას. ჩვენს პარტნიორებთან ერთად აღებულ ვალდებულებას გარდავქმნით ქმედებად, განსაკუთრებულ ყურადღებას კი ყველაზე დაუცველ და გარიყულ ბავშვებთან მუშაობას ვუთმობთ. შესაძლო პარტნიორობის ძირითადი მიმართულებებია:
- განათლება
- ჯანდაცვა
- აივ ინფექცია
- ნუტრიცია
- ბავშვთა დაცვა
- სოციალური დაცვა
- წყალი, სანიტარია და ჰიგიენა
- ადვოკატირება და მედიის ჩართულობა
- ინოვაციური და მდგრადი გადაწყვეტილებები
- საგანგებო სიტუაციებისთვის მზადყოფნა, რეაგირება და კატასტროფის რისკის შემცირება
- მონიტორინგი და შეფასება
- ტრენინგი და შესაძლებლობების გაძლიერება
- ახალგაზრდების განვითარება და მონაწილეობა
- გენდერული თანასწორობა
რეგისტრაციის პროცედურები გაეროს პარტნიორთა პორტალზეა მითითებული. გაეროს პარტნიორთა პორტალზე უკვე დარეგისტრირებულ ორგანიზაციებს ხელახლა დარეგისტრირება არ მოეთხოვებათ. საერთაშორისო არასამთავრობო ორგანიზაციების შემთხვევაში, დარეგისტრირება და პროფილის შექმნა უნდა მოხდეს ორგანიზაციის სათაო ოფისის მიერ, შემდეგ კი შეიძლება დაემატოს ქვეყნის პროფილი.
გაეროს ბავშვთა ფონდი პარტნიორობის შესაძლებლობების შესახებ ინფორმაციას გაეროს პარტნიორთა პორტალზე 2021 წლის 1 აგვისტოს შემდეგ გამოაქვეყნებს. პარტნიორების გამოსავლენად გაეროს ბავშვთა ფონდი ჩაატარებს საკონკურსო შერჩევას, განსაზღვრული კრიტერიუმების საფუძველზე.
დამატებითი ინფორმაციისა თუ ტექნიკური მხარდაჭერის მისაღებად დაუკავშირდით გაეროს ბავშვთა ფონდს საქართველოში, ელ.ფოსტის მისამართზე: kkhubutia@unicef.org ან gberoshvili@unicef.org